მოზაიკა

უმეტეს რაიონში ხვალ ნალექს ელიან

სინოპტიკოსები საქართველოს უმეტეს რაიონში 23 ნოემბრისთვის ნალექიან ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოში უმეტეს რაიონში ღრუბლიანი ამინდი და წვიმაა მოსალოდნელი, მაღალ მთაში თოვლი. იქროლებს დასავლეთის ქარი ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +10, +15; მთაში +5, +10; მაღალ მთაში 0, +5 გრადუსი.

აღმოსავლეთ საქართველოში ნავარაუდევია ღრუბლიანი ამინდი, ზოგიერთ რაიონში წვიმა, მაღალ მთაში კი თოვლი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +10, +15; მთაში +5, +10; მაღალ მთაში 0, +5 (-3-მდე) გრადუსი.

თბილისში ღრუბლიანი ამინდი, დილის საათებში წვიმა და ნისლია მოსალოდნელი. იქროლებს ჩრდილო-დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +12 გრადუსი იქნება.