მოზაიკა

უმეტეს რაიონში ხვალ ღრუბლიან ამინდს და ნალექს ელიან

სინოპტიკოსები საქართველოს უმეტეს რაიონში 22 ნოემბრისთვის ნალექიან ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოში უმეტეს რაიონში ღრუბლიანი ამინდი და წვიმაა მოსალოდნელი, მაღალ მთაში თოვლი. იქროლებს აღმოსავლეთის ქარი ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +12, +17; მთაში +6, +11; მაღალ მთაში +2, +7 გრადუსი.

აღმოსავლეთ საქართველოში ნავარაუდევია ღრუბლიანი ამინდი, წვიმა, მაღალ მთაში კი თოვლი, ზოგან ნისლი. იქროლებს აღმოსავლეთის ქარი 8-13 მეტრი/წამში. ჰაერის ტემპერატურა იქნება: დაბლობში +9, +14; მთაში +5, +10; მაღალ მთაში +2, +7 გრადუსი.

თბილისში ღრუბლიანი ამინდი, წვიმა და ნისლია მოსალოდნელი. იქროლებს სამხრეთ-აღმოსავლეთის ქარი 6-11 მეტრი/წამში. ჰაერის მაქსიმალური ტემპერატურა კი, დედაქალაქში +11 გრადუსი იქნება.