მოზაიკა

უმეტეს რაიონში დღეს წვიმას ელიან

სინოპტიკოსები საქართველოს უმეტეს რაიონში დღეისთვის მცირე ნალექს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს ზოგიერთ რაიონში ხანმოკლე წვიმა და ელჭექია მოსალოდნელი. იქროლებს დასავლეთის ქარი 8-13 მეტრი/წამში. ჰაერის მოსალოდნელი ტემპერატურაა: დაბლობში +25, +30; მთაში +23, +28; მაღალ მთაში +20, +25 გრადუსი.

ხანმოკლე წვიმა და ელჭექია ნავარაუდევი აღმოსავლეთ საქართველოს უმეტეს რაიონშიც. ზოგან შესაძლებელია სეტყვაც. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +28, +33; მთაში +23, +28; მაღალ მთაში +13, +18 (ზოგან 23-მდე) გრადუსი.

თბილისში შესაძლებელია ხანმოკლე წვიმა და ელჭექით. იქროლებს ჩრდილო-დასავლეთის ქარი 9-14 მეტრი/წამში. ჰაერის ტემპერატურა კი დედაქალაქში +32 გრადუსი იქნება.