მოზაიკა

უმეტეს რაიონში დღეს ნალექს ელიან

სინოპტიკოსები საქართველოში დღეს ნალექიან ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოს უმეტეს რაიონში წვიმაა მოსალოდნელი, მაღალ მთაში კი, თოვლი. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +10, +15; მთაში +5, +10; მაღალ მთაში +3, +8 გრადუსი.

აღმოსავლეთ საქართველოს უმეტეს რაიონში წვიმაა ნავარაუდევი, მაღალ მთაში კი თოვლი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +11, +16; მთაში +6, +11; მაღალ მთაში +3, +8 გრადუსი.

თბილისში დღეს ხანმოკლე წვიმაა მოსალოდნელი. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 17-22 მეტრი/წამში. ჰაერის ტემპერატურა კი, დედაქალაქში +14 გრადუსი იქნება.

ნინო ექვთიმიშვილი