მოზაიკა

უმეტეს რაიონში დღეს ხანმოკლე წვიმას ელიან

სინოპტიკოსები დღეს საქართველოს უმეტეს რაიონში ხანმოკლე წვიმას წვიმას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოს უმეტეს რაიონში მოსალოდნელია ხანმოკლე წვიმა ელჭექით. იქროლებს ცვალებადი მიმართულების ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +24, +29; მთაში +22, +27; მაღალ მთაში +19, +24 გრადუსი.

ხანმოკლე წვიმაა ნავარაუდევი აღმოსავლეთ საქართველოს უმეტეს რაიონშიც. ზოგან შესაძლებელია ძლიერი წვიმა და სეტყვა. იქროლებს ცვალებადი მიმართულების ქარი 10-15 მეტრი/წამში. ჰაერის ტემპერატურა იქნება: დაბლობში +30, +35; მთაში +27, +32; მაღალ მთაში +19, +24 გრადუსი.

თბილისში დროგამოშვებით მოსალოდნელია ხანმოკლე წვიმა ელჭექით. იქროლებს ცვალებადი მიმართულების ქარი 8-13 მეტრი/წამში. ჰაერის ტეპერატურა კი დედაქალაქში +32 გრადუსს მიაღწევს.

ნინო ექვთიმიშვილი