მოზაიკა

უმეტეს რაიონში დღეს იწვიმებს

სინოპტიკოსები დღეისთვის საქართველოს უმეტეს რაიონში წვიმას პროგნოზირებენ.

გარემოს ეროვნული სააგენტოს ინფორმაციით, ხვალ დასავლეთ საქართველოს უმეტეს რაიონში წვიმაა მოსალოდნელი, ზოგან შესაძლებელია ძლიერი და ელჭექი. იქროლებს ცვალებადი მიმართულების ქარი 10-15 მეტრი/წამში, სანაპირო რაიონებში შესაძლებელია ქარის შკვალური გაძლიერება. ჰაერის მოსალოდნელი ტემპერატურაა: დაბლობში +20, +25; მთაში +17, +22; მაღალ მთაში +10, +15 გრადუსი.

აღმოსავლეთ საქართველოს უმეტეს რაიონში ნავარაუდევია წვიმა, ზოგან შესაძლებელია ძლიერი წვიმა, ელჭექი და ნისლი. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +20, +25; მთაში +15, +20; მაღალ მთაში +8, +13 (ზოგან +18-მდე) გრადუსი.

თბილისში ნავარაუდევია წვიმა. შესაძლებელია ელჭექი და ნისლი. დღის მეორე ნახევრიდან იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი, დედაქალაქში +24 გრადუსი იქნება.