რეგიონები

უამინდობის გამო თბილისი-ზუგდიდის მატარებელი ხაშურშია გაჩერებული

თბილისი-ზუგდიდის მიმართულებით მოძრავი სამგზავრო მატარებელი ხაშურშია გაჩერებული.

როგორც საქართველოს რკინიგზაში აცხადებენ, შეფერხების მიზეზი ხაშური-ზესტაფონის საუღელტეხილო მონაკვეთზე მკაცრი მეტეოროლოგიური პირობები და ელექტროენერგიის შეზღუდვა გახდა.

,,ხაშური-ზესტაფონის საუღელტეხილო მონაკვეთზე მკაცრი მეტეოროლოგიური პირობების გამო, ელექტროენერგიის შეზღუდვის შედეგად, დროებითი შეფერხება შეექმნათ მაგისტრალზე მოძრავ მატარებლებს. ამჟამად ელექტროენერგიის მიწოდება აღდგენილია და მატარებლების გაშვება ხდება ეტაპობრივად. სს „საქართველოს რკინიგზის“ ყველა შესაბამისი სამსახური მუშაობის განსაკუთრებულ რეჟიმზეა გადასული“, - ნათქვამია საქართველოს რკინიგზის განცხადებაში.