მოზაიკა

წვიმა, ქარი და ტემპერატურის მკვეთრი კლება - ხვალ ამინდი გაუარესდება

სინოპტიკოსები საქართველოში 7 სექტემბრისთვის ამინდის გაუარესებას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში მოსალოდნელია ღრუბლიანი ამინდი, ძლიერი წვიმა და ელჭექი. იქროლებს დასავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +19, +24, მთაში +18, +23; მაღალ მთაში +12, +17 გრადუსი.

აღმოსავლეთ საქართველოში დროგამოშვებით ღრუბლიანობა მოიმატებს. უმეტეს რაიონში მოსალოდნელია ხანმოკლე წვიმა ელჭექით, ზოგან შესაძლებელია სეტყვა. იქროლებს დასავლეთის ქარი 10-15 მეტრი/წამში, ზოგან ძლიერი 20-25 მეტრი/წამში, ზოგან კი, ქარის სიჩქარე 28 მეტრ/წამს მიაღწევს. ჰაერის ტემპერატურა იქნება: დაბლობში +22, +27, კახეთის რეგიონში +33-მდე; მთაში +18, +23; მაღალ მთაში +15, +20 გრადუსი.

თბილისში ღამით და დღის მეორე ნახევარში მოსალოდნელია ხანმოკლე წვიმა ელჭექით. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 20-25 მეტრი/წამში, გარეუბნებში კი, ქარის სიჩქარე 28 მეტრ/წამს მიაღწევს. ჰაერის მაქსიმალური ტემპერატურა დედაქალაქში +26 გრადუსი იქნება.