მოზაიკა

თიბისი გალერეაში ფოტოგრაფ ბექა ჯავახიშვილის პერსონალური გამოფენა გაიხსნება

13 დეკემბერს 19:00 საათზე თიბისი გალერეაში გაიმართება ფოტოგრაფ ბექა ჯავახიშვილის პერსონალური გამოფენა სახელწოდებით „ანარეკლი“.

ეს არის თბილისის სხვადასხვა უბნებში გადაღებული ფოტოები, რომელსაც აერთიანებს ერთი თემა - ანარეკლი, - ყველგან და ყველაფერში. ამ ფოტოსერიაზე ბექა ჯავახიშვილი მთელი 8 თვის მანძილზე მუშაობდა, წვიმის კადრებში ანარეკლები და პარალელური სამყარო დაინახა. ასე განისაზღვრა გამოფენისთვის ფოტოგრაფის ხედვა და კონცეფცია. ავტორი ამბობს, რომ მისთვის ეს სერია „მოგზაურობაა სხვა სივრცეში“. პერსონალურ ექსპოზიციაზე ფოტოებთან ერთად წამოდგენილი იქნება ბექა ჯავახიშვილის ვიდეოკოლაჟიც.

ბექა ჯავახიშვილის პერსონალური გამოფენა თიბისი გალერეაში 16 დეკემბრამდე გაგრძელდება.