მოზაიკა

თეთრი ღვინო კანის კიბოს განვითარების რისკს ზრდის

მსოფლიოში კიბოს განვითარების შემთხვევების 3,6% დაკავშირებულია ალკოჰოლთან. ცნობილია, რომ სპირტიანი სასმელი არსებითად ზრდის კიბოს განვითარების რისკს ისეთ ნაწილებში, როგორიცაა საჭმლისმომნელებელი ტრაქტი, ღვიძლი, კუჭქვეშა ჯირკვალი, მკერდი, მსხვილი და სწორი ნაწლავი. საქმე ის არის, რომ ეთანოლის ღვიძლში გადამუშავების შედეგად, წარმოიშობა აცეტალდეგიდი, რომელიც აზიანებს დნმ-ს და ხელს უშლის მის აღდგენას, - იუწყება Deccan Chronicle.

ბრაუნის უნივერსიტეტის ექიმებმა 210 252 ადამიანის მონაცემები გამოიკვლეს, რომლებსაც საშუალოდ 18 წელი აკვირდებოდნენ. მოხალისეები სპირტიანი სასმელების ჭარბი დოზით მიღებასთან დაკავშირებულ კითხვებს სცემდნენ პასუხს. გაირკვა, რომ ალკოჰოლის ჭარბი რაოდენობით მოხმარება 14%-ით ზრდიდა მელანომის -კანის კიბოს რისკს.

ყოველი ჭიქა თეთრი ღვინოს მიღებით ყოველდღიურად მელანომის განვითარების რისკი 13%-ით იზრდებოდა. ალკოჰოლური სასმელების სხვა სახეობები, როგორებიცაა მაგალითად, ლუდი, წითელი ღვინო და არაყი ნაკლებად ახდენდა გავლენას კანის კიბოს განვითარების შესაძლებლობაზე.

სპეციალისტები ვარაუდობენ, რომ თეთრ ღვინოში გაცილებით მეტი აცეტალდეგიდია, ვიდრე სხვა ალკოჰოლურ სასმელებში. წითელ ღვინოში ასევე დიდი ოდენობით აცეტალდეგიდია, თუმცა იგი ასევე მდიდარია ანტიოქსიდური ნივთიერებებით, რომლებიც პირიქით კიბოს განვითარების რისკს ამცირებს.

ნინო ექვთიმიშვილი