ეკონომიკა

ტელეკომპანია ,,იბერია “ ბიზნესთან წარმატებული პარტნიორობისთვის დაჯილდოვდა

საქართველოს საუკეთესო კომპანიები და ბიზნესმენები გამოავლინეს 14 ნოემბერს მედია ჰოლდინგ "ჯორჯიან თაიმსისა" და საზოგადოებრივი აზრისა და მარკეტინგული კვლევების კომპანია ,,გორბის“ მიერ გამართულ რიგით მე-18 ბიზნეს-რეიტინგის დაჯილდოებაზე.

ტრადიციულ ბიზნესრეიტინგში დაჯილდოების ერთ-ერთი ნომინანტი იყო ტელეკომპანია ,,იბერია,“ რომელსაც ჯილდო ბიზნის აქტიური მხარდაჭერისა და პოპულარიზაციისთვის გადაეცა.

საზეიმო ღონისძიებას ბიზნესის, მედიის და მთავრობის წარმომადგენლები ესწრებოდნენ.

,,ჯორჯიან თაიმსის“ და მარკეტინგული კვლევების კომპანია ,,გორბის“ პროექტის მიზანია ეროვნულ ბიზნესში ყველაზე წარმატებული დარგების განსაზღვრა, დიალოგის მხარდაჭერა ბიზნესს, ხელისუფლებასა და საზოგადოებას შორის.

მედია ჰოლდინგი "ჯორჯიან თაიმსი" და საზოგადოებრივი აზრისა და მარკეტინგული კვლევების კომპანია „გორბი“ ბიზნეს რეიტინგს 1995 წლიდან ატარებს.