რეგიონები

თელავში საბავშვო ბაღის ყოფილი თანამშრომლები სამსახურში აღდგენას ითხოვენ

თელავის მუნიციპალიტეტის სოფელ წინანდალში საბავშვო ბაღის ყოფილმა თანამშრომლებმა, სამსახურში აღდგენის მოთხოვნით, საპროტესტო აქცია გამართეს.

აქციის მონაწილეებმა განაცხადეს, რომ ავარიული ბაღის დახურვის შემდეგ სოფელში ახალი ბაღი აშენდა, თუმცა მათ მუშაობის უფლება აღარ მისცეს.

„სკოლამდელ დაწესებულებას შეუცვალეს ნომერი, რის შედეგადაც იურიდიულად გამართლებული იყო კონკურსის გამოცხადება. თუმცა კონკურსი იყო ფორმალობა და ადგილობრივი ხელისუფლების წარმომადგენლების ახლო ნათესავები დასაქმდნენ“,– განაცხადეს აქციის მონაწილეები.

აქციის მონაწილეების მოთხოვნებს თელავის მუნიციპალიტეტის ბაღების გაერთიანების ხელმძღვანელი გამოეხმაურა და აღნიშნა, რომ კონკურსის შედეგების გაუქმება მხოლოდ სასამართლო გადაწყვეტილების საფუძველზე შეიძლება.

გათავისუფლებულ პედაგოგებს კი სასამართლოსთვის ჯერ არ მიუმართავთ.