რეგიონები

თელავში ავარიის შედეგად 1 ადამიანი დაიღუპა, 2 კი დაშავდა

თელავში ავტოსაგზაო შემთხვევის შედეგად ერთი ადამიანი დაიღუპა და ორი დაშავდა.

შემთხვევა გვიან ღამით, სოფელ ვარდისუბანთან მოხდა. სავარაუდოდ, მაღალი სიჩქარით მოძრავი „ნისანის“ მარკის ავტომანქანა ხეს შეეჯახა, შედეგად ადგილზე დაიღუპა ერთი მგზავრი, მძღოლი და მეორე მგზავრი კი ავტომანქანიდან მაშველების დახმარებით ამოიყვანეს.

დაშავებულები სასწრაფო დახმარების ბრიგადამ თელავის რეფერალურ საავადმყოფოში გადაიყვანა. ექიმების განცხადებით, მათი მდგომარეობა მძიმეა.

შსს-მ გამოძიება სსკ-ის 276 მუხლის მე-5 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.