მოზაიკა

თბილისში დღეს თოვლ-ჭყაპს ელიან

სინოპტიკოსები აღმოსავლეთ საქართველოში დღეისთვის ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს, თუმცა უმეტესად უნალექოდ. იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +8, +13; მთაში +2, +7; მაღალ მთაში 0, +5 გრადუსი.

აღმოსავლეთ საქართველოში უმეტესად ღრუბლიან ამინდს ელიან, ზოგიერთ რაიონში ნავარაუდევია ნალექი უმეტესად თოვლის სახით და ნისლი. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში 0, +5; მთაში -1, +4; მაღალ მთაში -5, 0 გრადუსი.

თბილისში უმეტესად ღრუბლიანი ამინდი იქნება. მოსალოდნელია მცირე თოვლ-ჭყაპი და ნისლი. იქროლებს სამხრეთ-აღმოსავლეთის ქარი 7-12 მეტრი/წამში. ჰაერის მაქსიმალური ტემპერატურა კი დედაქალაქში +4 გრადუსი იქნება.