მოზაიკა

თბილისში დღეს მცირე თოვლ-ჭყაპს და ქარის გაძლიერებას ელიან

სინოპტიკოსები საქართველოს უმეტეს რაიონში დღეისთვის ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში უმეტესად ღრუბლიანი ამინდია მოსალოდნელი. უმეტეს რაიონში ნავარაუდევია წვიმა, მთაში კი თოვლი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +5, +10; მთაში +0, +5; მაღალ მთაში -4, +1 გრადუსი.

აღმოსავლეთ საქართველოს ზოგიერთ რაიონში ნავარაუდევია ნალექი უმეტესად თოვლის სახით. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +3, +8; მთაში 0, +5; მაღალ მთაში -3, +2 (ზოგან -7-მდე) გრადუსი.

თბილისში ნავარაუდევია მცირე თოვლ-ჭყაპი. იქროლებს ჩრდილო-დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +6 გრადუსი იქნება.