რეგიონები

თბილისის აეროპორტსა და სარფში არადეკლარირებული მობილური ტელეფონები აღმოაჩინეს

29 მაისიდან 4 ივნისის ჩათვლით, საბაჟო გამშვებ პუნქტებში „სარფი“ და „თბილისის აეროპორტი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე დათვალიერებისას, 14 ცალი არადეკლარირებული მობილური ტელეფონი აღმოაჩინეს. საქონლის საერთო საბაჟო ღირებულებამ 17,551.03 ლარი შეადგინა.

შემოსავლების სამსახურის ინფორმაციით, საქართველოს საგადასახადო კოდექსის 289-ე მუხლის მე-10 ნაწილის შესაბამისად, საბერძნეთის მოქალაქე მ.კ-სა და აზერბაიჯანის მოქალაქე ნ.ა-ს, სანქციის სახით, ფულადი ჯარიმა ჯამში 17,551.03 ლარის ოდენობით შეეფარდათ.