რეგიონები

სოფელ დუისში მოსახლეობას შორის კონფლიქტი იყო

სამართალდამცველებმა სოფელ დუისში ადგილობრივ მოსახლეობას შორის კონფლიქტი განმუხტეს.

როგორც შსს-ში აცხადებენ, ამ დროისათვის სოფელში სიმშვიდეა.

უწყების განმარტებით, ახმეტის პოლიციის განყოფილებაში იმყოფებოდა განსაკუთრებულ დავალებათა დეპარტამენტის ორი ჯგუფი, რომლებიც იქ ამჟამად აღარ იმყოფებიან.

გავრცელებული ინფორმაციით, კონფლიქტი ადგილობრივებს შორის რუსეთის სახელმწიფო ნომრებით მოძრავმა მანქანამ გამოიწვია, რომელზეც ჩეჩნეთის პრეზიდენტის, რამზან კადიროვის მამის, ახმად კადიროვის დიდი ზომის ფოტო იყო გაკრული. ადგილობრივების თქმით, მანქანებიდან ისმოდა შეძახილები - „ახმადი ძლიერია“.

ნინო ექვთიმიშვილი