მოზაიკა

სინოპტიკოსები ხვალიდან ამინდის გაუარესებას ელიან

გარემოს ეროვნული სააგენტოს ინფორმაციით, 30 ნოემბერს და 1 დეკემბერს კოლხეთის დაბლობზე, ზემო იმერეთსა და გორი-სურამის მონაკვეთზე მოსალოდნელია აღმოსავლეთის მიმართულების ძლიერი, დროგამოშვებით ძალიან ძლიერი ქარი.

როგორც სააგენტოში აცხადებენ, 30 ნოემბერს აღმოსავლეთ საქართველოში, ხოლო1 დეკემბერს ქვეყნის ტერიტორიის უმეტეს ნაწილზე მოსალოდნელია წვიმა, მაღალმთიან ზონაში ზოგან ძლიერი თოვა, ნისლი და ქარბუქი.

მოსალოდნელმა ძლიერმა ნალექებმა შესაძლებელია პატარა მდინარეებზე წყლის დონეების მატება, მთიან ზონებში თოვლის ზვავების ფორმირება და მეწყრულ-ღვარცოფული პროცესების ჩასახვა - გააქტიურება გამოიწვიოს.

რაც შეეხება ჰერის ტემპერატურას, აღმოსავლეთ საქართველოს ბარში მაქსიმალური ტემპერატურა ხვალ +9 გრადუსი იქნება, მაღალ მთაში კი +5 გრადუსი. დასავლეთ საქართველოს ბარში ჰაერის ტემპერატურა +20 გრადუსს მიაღწევს, მაღალ მთიან რაიონებში კი მაქსიმალური ტემპერატურა +10 გრადუსი იქნება.
თბილისში ხვალ ასევე წვიმას ელიან. ჰაერის მაქსიმალური ტემპერატურა კი დედაქალაქში +8 გრადუსი იქნება.