რეგიონები

სეტყვამ თელავის სოფლები დააზარალა

სტიქიამ თელავის მუნიციპალიტეტის სოფლები კისისხევი და წინანდალი დააზარალა. ადგილობრივების ინფორმაციით, ძლიერი წვიმა და სეტყვა დაახლოებით 10 წუთი გაგრძელდა.

,,მოსავალი სულ წყალმა წალეკა და სეტყვამ ჩაიტანა. მარწვი იმდენ ჰექტარზე ჰქონდათ ხალხს და გაუნადგურდათ. ვენახები გადანგურდა და რაღა დარჩა?!“, - აცხადებს ერთ-ერთი ადგილობრივი.

როგორც თელავის მერიაში განაცხადეს, სტიქიის მასშტაბები მცირეა და ზარალის ზუსტ ოდენობას შესაბამისი კომისია დაადგენს.

,,დაახლოებით 10-15 წუთის განმავლობაში გაგრეძელდა სეტყვა. ამჟამად მიმდინარეობს მონიტორინგი სოფლის ტერიტორიაზე.ამ დროისათვის არსებული ინფორმაციით, ვფიქრობთ, რომ დაახლოებით 10%-ზე შეიძლება ვისაუბროთ, თუმცა არამგონია, დიდად გაიზარდოს ზარალი. ამჯამად საგანგაშო მდგომარეობა ნამდვილად არ არის“,- აცხადებს მერის მოადგილე, აკა საჩიშვილი.