რეგიონები

სასტუმრო „ველმონდში` ხარვეზების მოგვარების შემდეგ დიალოგის რეჟიმში გადაწყდება, როგორ გააგრძელებს სასტუმრო ფუნქციონირებას - თორნიკე რიჟვაძე

აჭარის მთავრობის თავმჯდომარე თორნიკე რიჟვაძე სასტუმრო „ველმონდის"დახურვას გამოეხმაურა.

როგორც მან ჟურნალისტებს განუცხადა, კომპანია სასტუმროში არსებულ ხარვეზს უახლოეს მომავალში მოაგვარებს და ამის შემდეგ გაიმართება დიალოგი და გადაწყდება თუ როგორ გააგრძელებს ფუნქციონირებას სასტუმრო.

„უსაფრთხოების ნორმები არის უმთავრესი. შესაბამისად, აჭარის მთავრობა საგანგებო სიტუაციების მართვის სამსახურთან ერთად ჩართული იყო ამ პროცესში. კონკრეტული შეთანხმება იქნა მიღწეული, ერთის მხრივ დასაქმეული პირები შეინარჩუნებენ სამუშაო ადგილს და ხელფასს.

რაც შეეხება ხარვეზებს და დარღვევებს, რომელიც უსაფრთხოების კუთხით ჰქონდა კომპანიას, უახლოეს მომავალში გამოასწორებენ. შემდეგ უკვე დავსხდებით და დავილაპარაკებთ თუ როგორ შეიძლება გაგრძელდეს აღნიშნული ბიზნესოპერატორის საქმიანობა, " - განაცხადა თორნიკე რიჟვაძემ.