რეგიონები

სასტუმრო „ლეოგრანდი“ „ველმონდის“ სახელით გააგრძელებს მუშაობას

სასტუმრო „ლეოგრანდი“ „ველმონდის“ სახელით გააგრძელებს მუშაობას.

სატუმროში ამჟამად აღდგენითი სამუშაოები მიმდინარეობს. თანამშრომელთა ნაწილიც კვლავ აგრძელებს მუშაობას.

„თანამშრომლები, რომელთა აუცილებლობა ამ ეტაპზე არსებობს სარემონტო და დასუფთავების სამუშაოებისთვის, დაბრუნებული არიან თავიანთ ადგილებზე. ის თანამშრომლები, რომელთა დაბრუნება ჯერ ვერ ხერხდება, ადმინისტრაციის პირობა ძალაშია, რომ როგორც კი სასტუმროსა და კაზინოს ფუნქციონირება აღდგება, ყველა დაუბრუნდება თავის სამუშაო ადგილს“, - განაცხადა სასტუმრო „ლეოგრანდის“ იურისტმა კახა წერეთელმა.

იურისტის განცხადებით, ლეოგრანდის მფლობელი ექსპერტიზის პასუხს ელოდება და სწორედ ამის შემდეგ დაიწყება მუშაობა უსაფრთხოების ნორმების სტანდარტებთან შესაბამისობაში მოყვანაზე.

ლეოგრანდში საგამოძიებო მოქმედებები 3 თვეზე მეტია მიმდინარეობს, თუმცა ექსპერტიზის შედეგები საზოგადოებისთვის ამ დრომდე უცნობია. შსს-ში აცხადებენ, რომ ექსპერტიზა სხვადასხვა მიმართულებით გრძელდება, ამიტომ პროცესი გაჭიანურდა. დალუქულია სასტუმროს რამდნიმე ნომერი.

შეგახსენებთ, რომ 2017 წლის 24 ნოემბერს სასტუმროში გაჩენილ ხანძარს 11 ადამიანის სიცოცხლე ემსხვერპლა.

ცირა გურგენიძე