მოზაიკა

საქართველოში ტემპერატურა დღეს +40 გრადუსს მიაღწევს

სინოპტიკოსების პროგნოზით, საქართველოში დღეს ტემპერატურა +40 გრადუსს მიაღწევს.

გარემოს ეროვნული სააგენტოს ინფორმაციით, დასავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. იქროლებს დასავლეთის ქარი 8-13 მეტრი/წამში. ჰაერის მოსალოდნელი ტემპერატურაა: დაბლობში +32, +37; სანაპირო რაიონებში +23, +28; მთაში +32, +37; მაღალ მთაში +25, +30 გრადუსი.

აღმოსავლეთ საქართველოში ნავარაუდევია უმეტესად უნალექო ამინდი. იქროლებს დასავლეთის ქარი 8-13 მეტრი/წამში. ჰაერის ტემპერატურა იქნება: დაბლობში +35, +40; მთაში +32, +37; მაღალ მთაში +24, +29 გრადუსი.

თბილისში უმეტესად მცირე მოღრუბლულობა იქნება, თუმცა დღე უნალექოდ ჩაივლის. იქროლებს ჩრდილო-დასავლეთის ქარი 8-13 მეტრი/წამში. ჰაერის მაქსიმალური ტემპერატურა კი დედაქალაქში +39 გრადუსი იქნება.