მოზაიკა

საქართველოში ხვალიდან ამინდი გაურესდება

სინოპტიკოსები საქართველოში ხვალისთვის ამინდის გაურესებას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში უმეტრესად ღრუბლიანი ამინდი და წვიმაა მოსალოდნელი. ზოგიერთ რაიონში შესაძლებელია ძლიერი წვიმა და ელჭექი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +16, +21, მთაში +15, +20; მაღალ მთაში +10, +15 გრადუსი.

უმეტესად ღრუბლიანი ამინდი, წვიმა და ელჭექია ნავარაუდევი აღმოსავლეთშიც. ზოგან შესაძლებელია სეტყვაც. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +19, +24; მთაში +15, +20; მაღალ მთაში +10, +15 გრადუსი.

თბილისში მოსალოდნელია წვიმა ელჭექით. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +22 გრადუსი იქნება.