მოზაიკა

საქართველოში ხვალ უნალექო ამინდს ელიან

სინოპტიკოსები საქართველოში 3 ნოემბრისთვის უმეტესად უნალექო ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოში მოსალოდნელია უმეტესად უნალექო ამინდი. იქროლებს აღმოსავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +22, +27; მთაში +18, +23; მაღალ მთაში +15, +20 გრადუსი.

აღმოსავლეთ საქართველოს უმეტეს რაიონში ნავარაუდევია უნალექო ამინდი. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +11, +16; მთაში +13, 18; მაღალ მთაში +2, +7 (ზოგან +17-მდე) გრადუსი.

თბილისი დღე უმეტესად უნალექოდ ჩაივლის. დილის საათებში ნავარაუდევია ნისლი. იქროლებს სამხრეთ-აღმოსავლეთის ქარი 8-13 მეტრი/წამში. ჰაერის მაქსიმალური ტემპერატურა კი დედაქალაქში +14 გრადუსი იქნება.