მოზაიკა

საქართველოში ხვალ უნალექო ამინდს ელიან

სინოპტიკოსები საქართველოში ხვალისთვის უმეტესად უნალექო ამინდს და ქარის გაძლიერებას პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოში უმეტესად უნალექო ამინდია მოსალოდნელი. იქროლებს აღმოსავლეთის ქარი 10-15 მეტრი, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +24, +29; მთაში +23, +28; მაღალ მთაში +19, +24 გრადუსი.

უმეტესად უნალექო ამინდია ნავარაუდევი აღმოსავლეთ საქართველოშიც. დილით ზოგან შესაძლებელია ნისლი. იქროლებს აღმოსავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +18, +23; მთაში +19, +24; მაღალ მთაში +10, +15 (ზოგან +20-მდე) გრადუსი.

თბილისში დღე უმეტესად უნალექოდ ჩაივლის. იქროლებს სამხრეთ-აღმოსავლეთის ქარი 8-13 მეტრი/წამში. ჰაერის მაქსიმალური ტემპერატურა კი, დედაქალაქში +18 გრადუსი იქნება.