მოზაიკა

საქართველოში ხვალ ტემპერატურა +34 გრადუსს მიაღწევს

სინოპტიკოსები საქართველოში 6 ივნისთვის არამდგრად ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, ხვალ, 6 ივნისს დასავლეთ საქართველოში დროგამოშვებით ღრუბლიანობა მოიმატებს, ზოგიერთ რაიონში ნავარაუდევია ხანმოკლე წვიმა ელჭექით. იქროლებს აღმოსავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ელჭექის დროს ზოგან შესაძლებელია ქარის შკვალური გაძლიერება. ჰაერის მოსალოდნელი ტემპერატურაა: დაბლობში +29, +34; სანაპირო რაიონებში +19, +24; მთაში +27, +32; მაღალ მთაში +20, +27 გრადუსი.

დროგამოშვებით ღრუბლიანობა მოიმატებს აღმოსავლეთ საქართველოშიც. ზოგიერთ რაიონში ნავარაუდევია ხანმოკლე წვიმა ელჭექით. ზოგან შესძალებელია ძლიერი წვიმა და სეტყვა. იქროლებს აღმოსავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +27, +32; მთაში +25, +30; მაღალ მთაში +18, +23 გრადუსი.

თბილისში დროგამოშვებით ღრუბლიანობა მოიმატებს . დღის მეორე ნახევარში შესაძლებელია ხანმოკლე წვიმა ელჭექით. იქროლებს სამხრეთ-აღმოსავლეთის ქარი 8-13 მეტრი/წამში. ჰაერის მაქსიმალური ტემპერატურა კი, დედაქალაქში +31 გრადუსი იქნება.

ნინო ექვთიმიშვილი