მოზაიკა

საქართველოში ხვალ ნალექიან ამინდს ელიან

სინოპტიკოსები საქართველოს ზოგიერთ რაიონში 7 დეკემბრისთვის ნალექიან ამინდს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს უმეტეს რაიონში წვიმაა მოსალოდნელი, მაღალმთაში კი თოვლი. იქროლებს დასავლეთს ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +9, +14; მთაში +7, +12; მაღალ მთაში +1, +6 გრადუსი.

აღმოსავლეთ საქართველოს ზოგიერთ დასავლეთ რაიონში წვიმაა მოსალოდნელი, მაღალ მთაში კი თოვა. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +11, +16; მთაში +4, +19; მაღალ მთაში 0, +5 გრადუსი.

თბილისში ნავარაუდევია უმეტესად უნალექო ამინდი. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი დედაქალაქში +14 გრადუსი იქნება.