მოზაიკა

საქართველოში ხვალ ნალექიან ამინდს ელიან

სინოპტიკოსები საქართველოს უმეტეს რაიონში ხვალისთვის ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს. ზოგიერთ რაიონში მოსალოდნელია მცირე წვიმა. იქროლებს აღმოსავლეთის ქარი 9-14 მეტრი/წამში. ჰაერის მოსალოდნელი ტემპერატურაა: დაბლობში +7, +12; მთაში +5, +10; მაღალ მთაში -2, +3 გრადუსი.

აღმოსავლეთ საქართველოს უმეტეს რაიონში ნავარაუდევია ნალექი უმეტესად თოვლის სახით. იქროლებს აღმოსავლეთის ქარი 7-12 მეტრი/წამში. ჰაერის ტემპერატურა იქნება: დაბლობში +1, +6; მთაში 0, +5; მაღალ მთაში -5, 0 გრადუსი. ჰაერის ტემპერატურა იქნება: დაბლობში +1, +6; მთაში 0, +5; მაღალ მთაში -5, 0 გრადუსი.

თბილისში ნავარაუდევია თოვლ-ჭყაპი და ნისლი. იქროლებს სამხრეთ-აღმოსავლეთის ქარი 5-10 მეტრი/წამში. ჰაერის მაქსიმალური ტემპერატურა კი, დედაქალაქში +5 გრადუსი იქნება.