მოზაიკა

საქართველოში ხვალ მცირე ნალექს ელიან

სინოპტიკოსები საქართველოში 21 სექტემბრისთვის მცირე ნალექს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში მოსალოდნელია უმეტესად უნალექო ამინდი. იქროლებს აღმოსავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +32, +37, სანაპირო რაიონებში +27, +32; მთაში +32, +37; მაღალ მთაში +27, +32 გრადუსი.

აღმოსავლეთ საქართველოს ზოგიერთ მაღალმთიან რაიონში საღამოს საათებში შესაძლებელია ხანმოკლე წვიმა ელჭექით და სეტყვა. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +29, +34; მთაში +28, +33; მაღალ მთაში +18, +23 (ზოგან 29-მდე) გრადუსი.

თბილისში მოსალოდნელია უმეტესად უნალექო ამინდი. იქროლებს სამხრეთ-აღმოსავლეთის ქარი 8-13 მეტრი/წამში. ჰაერის მაქსიმალური ტემპერატურა დედაქალაქში +32 გრადუსი იქნება.

ნინო ექვთიმიშვილი