მოზაიკა

საქართველოში ხვალ არამდგრად ამინდს ელიან

საქართველოში ხვალ სინოპტიკოსები არამდგრად ამინდს პროგნოზირებენ.

დასავლეთ საქართველოში დროგამოშვებით ღრუბლიანობა მოიმატებს. დღის მეორე ნახევრიდან უმეტეს რაიონში წვიმაა მოსალოდნელი. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +17, +22; მთაში +13, +18; მაღალ მთაში +5, +10 გრადუსი.

დროგამოშვებით ღრუბლიანობა მოიმატებს აღმოსავლეთ საქართველოშიც. დღის მეორე ნახევარში ზოგიერთ რაიონში ნავარაუდევია მცირე ნალექი. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +18, +23; მთაში +13, +18; მაღალ მთაში -2, +3 (ზოგან +13-მდე) გრადუსი.

თბილისში დროგამოშვებით ღრუბლიანობა მოიმატებს, თუმცა დღე უმეტესად უნალექოდ ჩაივლის. დღის მეორე ნახევრიდან იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი, დედაქალაქში +19 გრადუსი იქნება.