მოზაიკა

საქართველოში ხვალ არამდგრად ამინდს ელიან

საქართველოში 14 მარტისთვის მცირე ნალექს პროგნოზირებენ.

დასავლეთ საქართველოშიდროგამოშვებით ღრუბლიანობა მოიმატებს. დღის ბოლოს ზოგან შესაძლებელია მცირე წვიმა. იქროლებს აღმოსავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +15, +20; მთაში +10, +15; მაღალ მთაში +5, +10 გრადუსი.

აღმოსავლეთ საქართველოში უმეტეს ღრუბლიანი ამინდია ნავარაუდევი. დღის პირველ ნახევარში ზოგან შესაძლებელია მცირე ნალექი და ნისლი. იქროლებს აღმოსავლეთის ქარი 10-15 მეტრი/წამში, გორი-სურამის მონაკვეთზე ძლიერი 17-22 მეტრი/წამში. ჰაერის ტემპერატურა იქნება: დაბლობში +10, +15; მთაში +10, +15; მაღალ მთაში -2, +3 (ზოგან +10-მდე) გრადუსი.

თბილისში დილის საათებში ნავარაუდევია უმეტესად ღრუბლიანი ამინდი, მცირე წვიმა და ნისლი. იქროლებს სამხრეთ-აღმოსავლეთის ქარი 6-11 მეტრი/წამში. ჰაერის მაქსიმალური ტემპერატურა კი, დედაქალაქში +11 გრადუსი იქნება.