მოზაიკა

საქართველოში ხვალ ამინდი გაუარესდება

საქართველოში ხვალიდან სინოპტიკოსები ამინდის გაუარესებას პროგნოზირებენ.

ხვალ, დასავლეთ საქართველოს უმეტეს რაიონში წვიმა და ელჭექია მოსალოდნელი, მაღალ მთაში კი თოვა, ზოგან ძლიერი. იქროლებს დასავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +12, +17; მთაში +9, +14; მაღალ მთაში +1, +6 გრადუსი.

აღმოსავლეთ საქართველოს ზოგიერთ რაიონში ნავარაუდევია ხანმოკლე წვიმა ელჭექით, მაღალ მთაში კი - თოვა და ქარბუქი. იქროლებს დასავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის ტემპერატურა იქნება: დაბლობში +13, +18; მთაში +8, +13; მაღალ მთაში +1, +6 გრადუსი.

თბილისში დილის საათებში მოსალოდნელია ხანმოკლე წვიმა ელჭექით. იქროლებს ჩრდილო-დასავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მაქსიმალური ტემპერატურა კი, დედაქალაქში +16 გრადუსი იქნება.