მოზაიკა

საქართველოში ერთ ადგილობრივზე 1.499 ტურისტი მოდის

გამოცემა The Telegraph-მა იმ 51 ქვეყნის რეიტინგი გამოაქვეყნა, სადაც ტურისტების რაოდენობა ადგილობრივების რიცხვს აღემატება. საქართველომ ამ სიაში 37-ე ადგილი დაიკავა. აქ ერთ მაცხოვრებელზე 1.499 ტურისტი მოდის.

პირველი ადგილი ამ რეიტინგში ანდორამ დაიკავა, სადაც ერთ ადგილობრივზე 33.5 ტურისტი მოდის.

გამოცემამ ასევე 10 ყველაზე მონახულებადი ქვეყანაც დაასახელა. პირველ ადგილს საფრანგეთი იკავებს წელიწადში 84.5 მილიონი ტურისტით. მას მოსდევს აშშ 77.5 მილიონი ტურისტითა და ესპანეთი 68.2 მილიონით. ათეულს რუსეთი ხურავს 31.3 მილიონი ტურისტით.

ანა მებურისვილი