მოზაიკა

საქართველოში დღეს ტემპერატურის კლებას და ნალექს ელიან

სინოპტიკოსები საქართველოში დღეისთვის ნალექს და ჰაერის ტემპერატურის კლებას პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში უმეტესად ღრუბლიანი ამინდი და წვიმაა მოსალოდნელი, მაღალ მთაში კი, თოვლი, ზოგან ძლიერი. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +8, +13; მთაში +3, +8; მაღალ მთაში -2, +3 გრადუსი.

აღმოსავლეთ საქართველოში დროგამოშვებით ღრუბლიანობა მოიმატებს. უმეტეს რაიონში ნავარაუდევია წვიმა და ზოგან ნისლი, მთაში კი, თოვლ-ჭყაპი. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +5, +10; მთაში +0, +5; მაღალ მთაში -2, +3 გრადუსი.

უმეტესად ღრუბლიანი ამინდია თბილისშიც. მოსალოდნელია მცირე წვიმა და ნისლი. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი დედაქალაქში +8 გრადუსი იქნება.