მოზაიკა

საქართველოში დღეს მცირე ნალექს ელიან

სინოპტიკოსები საქართველოში 15 ივნისისთვის მცირე ნალექს პროგნოზირებენ.

გარემოს ეროვნული სააგენტოს ინფორმაციით, დასავლეთ საქართველოს ზოგიერთ რაიონში დღის ბოლოს მოსალოდნელია ხანმოკლე წვიმა ელჭექით. იქროლებს აღმოსავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის ტემპერატურა იქნება: დაბლობში +31, +36; მთაში +29, +34; მაღალ მთაში +25, +30 გრადუსი.

აღმოსავლეთ საქართველოს ზოგიერთ რაიონში საღამოს საათებში ნავარაუდევია ხანმოკლე წვიმა ელჭექით. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +27, +32; მთაში +25, +30; მაღალ მთაში +17, +22 გრადუსი.

თბილისში მოსალოდნელია უნალექო ამინდი. იქროლებს სამხრეთ-აღმოსავლეთის ქარი 7-12 მეტრი/წამში. ჰაერის მაქსიმალური ტემპერატურა კი, დედაქალაქში +31 გრადუსი იქნება.