მოზაიკა

საქართველოში დღეს მცირე ნალექს ელიან

სინოპტიკოსები საქართველოში დღეისთვის არამდგრად ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში უმეტესად მცირე მოღრუბლულობაა მოსალოდნელი. იქროლებს აღმოსავლეთის ქარი 10-15 მეტრი/წამში, ზოგან ძლიერი 20-25 მეტრი/წამში. ჰაერის მოსალოდნელი ტემპერატურაა: დაბლობში +15, +20; მთაში +11, +16; მაღალ მთაში +6, +11 გრადუსი.

აღმოსავლეთ საქართველოში დროგამოშვებით ღრუბლიანობა მოიმატებს.ზოგიერთ აღმოსავლეთ რაიონში მცირე წვიმა და ნისლია ნავარაუდევი. იქროლებს აღმოსავლეთის ქარი 10-15 მეტრი/წამში, გორი-სურამის მონაკვეთზე 17-22 მეტრი/წამში. ჰაერის ტემპერატურა იქნება: დაბლობში +6, +11; მთაში +6, +11; მაღალ მთაში -1, +4 (ზოგან +9-მდე) გრადუსი.

თბილისში უმეტესად ღრუბლიანი ამინდი, მცირე წვიმა და ნისლია მოსალოდნელი. იქროლებს სამხრეთ-აღმოსავლეთის ქარი 6-11 მეტრი/წამში. ჰაერის მაქსიმალური ტემპერატურა კი, დედაქალაქში +9 გრადუსი იქნება.