მოზაიკა

საქართველოში დღეს +41 გრადუსამდე დაცხება

სინოპტიკოსების პროგნოზით, საქართველოში 4 ივლისსს ჰაერის ტემპერატურა +41 გრადუსს მიაღწევს.

გარემოს ეროვნული სააგენტოს ინფორმაციით, დღეს დასავლეთ საქართველოს ზოგიერთ რაიონში მოსალოდნელია ხანმოკლე წვიმა ელჭექით. იქროლებს დასავლეთის ქარი 8-13 მეტრი/წამში. ჰაერის მოსალოდნელი ტემპერატურაა: დაბლობში +27, +32; მთაში +27, +32; მაღალ მთაში +24, +29 გრადუსი.

აღმოსავლეთ საქართველოს ზოგიერთ მთიან რაიონში საღამოს საათებში ნავარაუდევია ხანმოკლე წვიმა ელჭექით, ზოგან შესაძლებელაი სეტყვა. იქროლებს დასავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +36, +41; მთაში +30, +35; მაღალ მთაში +24, +29 გრადუსი.

თბილისში უმეტესად მცირე მოღრუბლულობაა მოსალოდნელი, თუმცა დღე უნალექოდ ჩაივლის. იქროლებს ჩრდილო-დასავლეთის ქარი 10-15 მეტრი/წამში. ჰაერის მაქსიმალური ტემპერატურა კი დედაქალაქში +39 გრადუსი იქნება.