მოზაიკა

საქართველოში დღეისთვის არამდგრად ამინდს ელიან

სინოპტიკოსები საქართველოში დღეისთვის ცვალებად ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს, ზოგიერთ რაიონში მოსალოდნელია წვიმა. მაღალ მთაში კი, თოვლ-ჭყაპი. იქროლებს ცვალებადი მიმართულების ქარიო 9-14 მეტრი/წამში. ჰაერის მოსალოდნელი ტემპერატურაა: დაბლობში +11, +16; მთაში +6, +11; მაღალ მთაში +3, +9 გრადუსი.

აღმოსავლეთ საქართველოში დროგამოშვებით ღრუბლიანობა მოიმატებს, თუმცა დღე უმეტესად უნალექოდ ჩაივლის. იქროლებს დასავლეთის ქარი 9-14 მეტრი/წამში. ჰაერის ტემპერატურა იქნება: დაბლობში +7, +12; მთაში +5, +10; მაღალ მთაში +5, +10 გრადუსი.

დროგამოშვებით ღრუბლიანობა მოიმატებს თბილისშიც, თუმცა უმეტესად უნალექო ამინდი შენარჩუნდება. იქროლებს ჩრდილო-დასავლეთის ქარი 9-14 მეტრი/წამში. ჰაერის მაქსიმალური ტემპერატურა კი დედაქალაქში +10 გრადუსი იქნება.