მოზაიკა

საქართველოში 4-5 მარტს ნალექს ელიან

სინოპტიკოსები საქართველოში 4 და 5 მარტისთვის ნალექიან ამინდს პროგნოზირებენ.

ხვალ, 4 მარტს დასავლეთ საქართველოს უმეტეს რაიონში მოსალოდნელია წვიმა, მაღალ მთაში კი თოვლი. იქროლებს ცვალებადი მიმართულების ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +12, +17; მთაში +7, +12; მაღალ მთაში +1, +6 გრადუსი.

აღმოსავლეთ საქართველოში ზოგიერთ რაიონში ნავარაუდევია წვიმა, მაღალ მთაში თოვლი. იქროლებს ცვალებადი მიმართულების ქარი 10-15 მეტრი/წამში. ჰაერის ტემპერატურა იქნება: დაბლობში +4, +19; მთაში +10, +15; მაღალ მთაში +2, +7 გრადუსი.

თბილისში მოსალოდნელია მცირე წვიმა. იქროლებს ცვალებადი მიმართულების ქარი 10-15 მეტრი/წამში. ჰაერის მაქსიმალური ტემპერატურა კი, დედაქალაქში +18 გრადუსი იქნება.

ზეგ, 5 მარტს დასავლეთ საქართველოს უმეტეს რაიონში მოსალოდნელია წვიმა, მაღალ მთაში თოვა, ზოგან ძლიერი და ქარბუქი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში. ჰაერის მოსალოდნელი ტემპერატურაა: დაბლობში +7, +12; მთაში +3, +8; მაღალ მთაში 0, +5 გრადუსი.

აღმოსავლეთ საქართველოს უმეტეს რაიონში მოსალოდნელია წვიმა, მაღალ მთაში თოვა, ზოგან ძლიერი და ქარბუქი. იქროლებს დასავლეთის ქარი 10-15 მეტრი/წამში, ზოგან ძლიერი 17-22 მეტრი/წამში.ჰაერის ტემპერატურა იქნება: დაბლობში +9, +14; მთაში +4, +9; მაღალ მთაში -2, +3 (ზოგან +7-მდე) გრადუსი.

თბილისში მოსალოდნელია წვიმა. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 17-22 მეტრი/წამში. ჰაერის მაქსიმალური ტემპერატურა კი, დედაქალაქში +14 გრადუსი იქნება.