მოზაიკა

საქართველოს ზოგიერთ რაიონში ხვალ ხანმოკლე წვიმას ელიან

სინოპტიკოსები საქართველოს ზოგიერთ რაიონში ხვალ ხანმოკლე წვიმას პროგნოზირებენ.

დასავლეთ საქართველოში ზოგიერთ რაიონში ხანმოკლე წვიმა და ელჭექია მოსალოდნელი, ჩრდილო-მაღალმთიან რაიონებში შესაძლებელია ძლიერი წვიმა. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +24, +29; მთაში +22, +27; მაღალ მთაში +20, +25 გრადუსი.

ხანმოკლე წვიმაა ნავარაუდევი აღმოსავლეთ საქართველოს ზოგიერთ რაიონშიც, ზოგან შესაძლებელია სეტყვა. იქროლებს დასავლეთის ქარი 10-15 მეტრი/წამში, ზოგან ძლიერი 17-22მეტრი/წამში. ჰაერის მოსალოდნელი ტემპერატურაა: დაბლობში +28, +33; მთაში +24, +29; მაღალ მთაში +18, +23 გრადუსი.

თბილისში მოსალოდნელია ხანმოკლე წვიმა ელჭექით. იქროლებს ჩრდილო-დასავლეთის ქარი 10-15 მეტრი/წამში, დროგამოშვებით ძლიერი 17-22მეტრი/წამში. ჰაერის ტემპერატურა კი დედაქალაქში +32 გრადუსი იქნება.