მოზაიკა

საქართველოს უმეტეს რაიონში 10 და 11 სექტემბრისთვის უნალექო ამინდს ელიან

სინოპტიკოსები საქართველოს უმეტეს რაიონში 10 და 11 სექტემბრისთვის უნალექო ამინდს პროგნოზირებენ.

როგორც მედიანიუსს გარემოს ეროვნულ სააგენტოში განუცხადეს, ხვალ, 10 სექტემბერს დასავლეთ საქართველოში მოსალოდნელია უნალექო ამინდი. იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +28, +33, მთაში +27, +32; მაღალ მთაში +21, +26 გრადუსი.

აღმოსავლეთ საქართველოში ასევე უმეტესად უნალექო ამინდია ნავარაუდევი. იქროლებს აღმოსავეთის ქარი 8-13 მეტრი/წამში. ჰაერის ტემპერატურა იქნება: დაბლობში +28, +33; მთაში +27, +32; მაღალ მთაში +13, +18 (ზოგან 25-მდე) გრადუსი.

თბილისში დღე ასევე უნალექოდ ჩაივლის. დაუბერავს სუსტი ქარი. ჰაერის მაქსიმალური ტემპერატურა დედაქალაქში +32 გრადუსი იქნება.

ზეგ, 11 სექტემბერს დასავლეთ საქართველოში მოსალოდნელია უმეტესად უნალექო ამინდი. იქროლებს აღმოსავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +28, +33, მთაში +27, +32; მაღალ მთაში +21, +26 გრადუსი.

აღმოსავლეთ საქართველოს ზოგიერთ რაიონში ნავარაუდევია ხანმოკლე წვიმა ელჭექით. იქროლებს აღმოსავლეთის ქარი 10-15 მეტრი/წამში. ჰაერის ტემპერატურა იქნება: დაბლობში +27, +32; მთაში +25, +30; მაღალ მთაში +17, +22 (ზოგან 26-მდე) გრადუსი.

თბილისში დღე უნალექოდ ჩაივლის. იქროლებს სამხრეთ-აღმოსავლეთის ქარი 10-15 მეტრი/წამში. ჰაერის მაქსიმალური ტემპერატურა დედაქალაქში +32 გრადუსი იქნება.