მოზაიკა

საქართველოს მთელს ტერიტორიაზე დღეს ძლიერი ქარია

გარემოს ეროვნული სააგენტოს ინფორმაციით, დღეს და ხვალ, 6 ოქტომბერს ჰაერის ტემპერატურის მნიშვნელოვანი დაკლება და ძლიერი ქარია მოსალოდნელი, ზღვაზე შესაძლებელია 3 – 4 ბალიანი ღელვა.

აღმოსავლეთ საქართველოს ზოგიერთ რაიონსა და თბილისში ქარის სიჩქარე 20-25 მეტრ/წამს მიაღწევს, ხოლო დასავლეთ საქართველოში ქარის სიჩქარე 20 მეტრი წამში იქნება.

რაც შეეხება ჰაერის ტემპერატურას, დასავლეთ საქართველოს დაბლობში მოსალოდნელია 15-20 გრადუსი, ხოლო აღმოსავლეთ საქართველოში ჰაერის ტემპერატურა 17-22 გრადუსს მიაღწევს. თბილისში დღეს 19-21 გრადუსი დაფიქსირდება, იქნება ძლიერი ქარი და დღე უნალექოდ ჩაივლის.

ამასთან, 5 ოქტომბრის საღამოს მაღალმთიან რაიონებში ზოგან შესაძლოა თოვლი აღინიშნოს. მოსალოდნელმა ძლიერმა ნალექებმა შესაძლებელია დასავლეთ საქართველოს პატარა მდინარეებზე წყალმოვარდნები გამოიწვიოს.

როგორც სააგენტოში აცხადებენ, დასავლეთ საქართველოში 6 ოქტომბრიდან გამოიდარებს. აღმოსავლეთ საქართველოში ორ დღეში ქარი ჩადგება, თუმცა ტემპერატურა კლებას განაგრძობს.