რეგიონები

საქართველოს დიდ და საშუალო მდინარეებზე შესაძლოა წყლის დონემ მოიმატოს

22 მაისის საღამოდან 25 მაისამდე, საქართველოში დროგამოშვებით წვიმა და ელჭექია მოსალოდნელია.

გარემოს ეროვნული სააგენტოს ცნობით, ქვეყნის აღმოსავლეთ ნაწილში ზოგან შესაძლებელია სეტყვა.

მათივე ინფორმაციით, ძლიერი წვიმების გამო საქართველოს დიდ და საშუალო მდინარეებზე შესაძლოა, წყლის დონემ მოიმატოს.

„ჰაერის ტემპერატურა +18, +23 გრადუსი იქნება. 25 მაისს შედარებით გამოიდარებს და 26 მაისს უნალექო ამინდია მოსალოდნელი, ჰაერის ტემპერატურა +24, +29 გრადუსამდე მოიმატებს.

27 მაისს დღის მეორე ნახევრიდან და 28 მაისს ისევ წვიმიანი ამინდია მოსალოდნელი“,- აღნიშნულია გარემოს ეროვნული სააგენტოს ინფორმაციაში.