რეგიონები

საგარეჯოში მომხდარი ავტოსაგზაო შემთხვევის შედეგად ერთი პირი დაიღუპა

საგარეჯოს რაიონში, სოფელ პატარძეულთან ავტოსაგზაო შემთხვევას მსხვერპლი მოყვა.

არსებული ინფორმაციით, კახეთიდან თბილისის მიმართულებით მოძრავი სატვირთო ავტომობილის მძღოლმა საჭე ვეღარ დაიმორჩილა.

მანქანა ჯერ შემხვედრ სამარშრუტო ტაქსს, შემდეგ კი, საპატრულო პოლიციის ეკიპაჟს დაეჯახა.

შედეგად, სამარშრუტო ტაქსის მძღოლი ადგილზევე დაიღუპა. დაშავდნენ სამართალდამცველებიც, თუმცა ორივე პოლიციელი მსუბუქი დაზიანებების გამო საავადმყოფოდან მალევე გაწერეს.

ავარიის მიზეზად გადაჭარბებული სიჩქარე სახელდება. დაკავებულია სატვირთო ავტომობილის მძღოლი.

ნინო ექვთიმიშვილი