რეგიონები

სადახლოზე არადეკლარირებული ოქროს ნაკეთობები აღმოაჩინეს

22 სექტემბერს, საბაჟო გამშვებ პუნქტში „სადახლო-საავტომობილო“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთის მოქალაქის, კ.ა-ს კუთვნილი ხელბარგის დათვალიერებისას, არადეკლარირებული ოქროს ნაკეთობები (საერთო წონა 80.09 გრ.) აღმოაჩინეს.

შემოსავლების სამსახურის ინფორმაციით, საქონლის საბაჟო ღირებულებამ 8,444.74 ლარი შეადგინა.

საქართველოს საგადასახადო კოდექსის 289-ე მუხლის მე-10 ნაწილის შესაბამისად, მოქალაქეს, სანქციის სახით, ფულადი ჯარიმა, 8,444.74 ლარის ოდენობით შეეფარდა.