მოზაიკა

რეჟისორ გიორგი ოვაშვილის დაჯილდოება გაიმართება

20 დეკემბერს, საფრანგეთის ელჩის რეზიდენციაში გაიმართebა გიორგი ოვაშვილის დაჯილდოების ცერემონია. ქართველ რეჟისორს, საფრანგეთის კულტურისა და კომუნიკაციების მინისტრის, ოდრე აზულეს გადაწყვეტილებით, საფრანგეთისა და მსოფლიოს კულტურაში შეტანილი განსაკუთრებული წვლილისთვის, ხელოვნებისა და ლიტერატურის ორდენის კავალერის წოდება მიენიჭebა. გიორგი ოვაშვილს ამ წოდებას საფრანგეთის ელჩი, პასკალ მენიე გადასცემს.

გიორგი ოვაშვილს ფრანგული კინო-სამყაროს წარმომადგენლებთან მრავალწლიანი პარტნიორული ურთიერთობა აკავშირებს. მისი ერთ-ერთი გახმაურებული პროექტი - „სიმინდის კუნძულიც“ სწორედ ფრანგულ კინო-კომპანიასთან თანამშრომლობით და საფრანგეთის სახელმწიფოს თანა-დაფინანსებით განხორციელდა. როგორც მოგეხსენებათ, „სიმინდის კუნძული“ 2014 წელს კარლოვი ვარის საერთაშორისო კინო-ფესტივალის გრან-პრის - ოქროს გლობუსის მფლობელი გახდა, მომდევნო წელს კი, ოსკარის უცხოენოვანი ფილმების კატეგორიის შორთლისთში მოხვდა. მთლიანობაში, ფილმი 35 საერთაშორისო ჯილდოს მფლობელია.

დაჯილდოების ცერემონიას დიპლომატიური კორპუსის, კულტურის სამინისტროსა და კინო-სფეროს წარმომადგენლები დაესწრებიან.