რეგიონები

ქუთაისში მღვიმე აღმოაჩინეს

ქუთაისში, კლდიაშვილის ქუჩაზე ადგილობრივმა მცხოვრებმა ვახტანგ სიხარულიძემ მღვიმე აღმოაჩინა, სადაც მრავლადაა სტალაქტიდები და სტალაგმიტები.

გუშინ კი, მღვიმე სპელეოლოგებმა ვალერი ბარბაქაძემ და გიგო ონიანმაც დაათვალიერეს და მისი შესწავლა დაიწყეს.

მათი შეფასებით, პირველადი დათვალიერებით, მღვიმე უნიკალურია.

„80 მეტრის სიგრძის ორი დარბაზია. სამწუხაროდ აფეთქებების შედეგად დაზიანებულია ნაღვენთი ფორმები, თუმცა ვნახეთ ექსცენტრიული ფორმები, რაც საქართველოში მანამდე არ გვინახავს“, - აცხადებს ვალერი ბარბაქაძე.

მისივე თქმით, მღვიმე შესაძლოა, ქვედა ცარცული პერიოდის იყოს, 30-50 ათასი წლის წინანდელი.