რეგიონები

ქუთაისის მერობის კანდიდატმა გოგი წულაიამ პროტესტის ნიშნად საგზაო კუნძული მოანგრია

“დემოკრატიული მოძრაობა-თავისუფალი საქართველოს” ქუთაისის მერობის კანდიდატმა, გოგი წულაიამ პროტესტის ნიშნად ნიკეას ქუჩაზე მდებარე უსაფრთხოების საგზაო კუნძული მოანგრია. როგორც წულაიამ განმარტა, კუძული არასწორადაა გაკეთებული, რის გამოც ნიკეას ახლად რეაბილიტირებულ გზაზე ავარიები გახშირდა.

წულაიას ინფორმაციით, ამ მონაკვეთზე ათობით მანქანა დაიმტვრა.

„ეს არის ამ ხელისუფლების უგუნურობისა და სიხარბის სიმბოლო, რომელმაც ათეულობით ავტომანქანის დაზიანება გამოიწვია და ღმერთის წყალობით, ჯერ მსხვერპლი არ გამოიწვია, მაგრამ არავინ არაფერი არ იცის, მომავალში რა მოხდება. მე ვარ ის ადამიანი, რომელსაც ამ ქალაქში ასეთი უგუნური ხელისუფლების დამთავრება შეუძლია“, - განაცხადა გოგი წულაიამ.

ქუთაისის მერობის კანდიდატის თქმით, მან საპროტესტო აქციის შესახებ აცნობა პატრულს, თუმცა სამართალდამცავებმა ამ ფაქტს ყურადღება არ მიაქციეს.

ანა მებურიშვილი