რეგიონები

ქუთაისის მერიამ საქალაქო ტრანსპორტის მძღოლები დააჯარიმა

ქუთაისის მერიამ 42 მძღოლი 100-100 ლარით დააჯარიმა. ამის მიზეზი გახდა მძღოლების მხრიდან მგზავრობის ტარიფის თვითნებური გაზრდა 10 თეთრით. ეს მას შემდეგ მოხდა, რაც გუშინ საქალაქო ტრანსპორტის მძღოლებმა 2-დღიანი გაფიცვა დაასრულეს.

მძღოლების მხრიდან სამგზავრო ტარიფის გაზრდას მოჰყვა ქუთაისის მერიის პრესსამსახურის განცხადება, სადაც მოსახლეობას აფრთხილებდნენ, არ გადაეხადათ მძღოლებისთვის გაძვირებული საფასური.

შეგახსენებთ, რომ ქუთაისის საქალაქო ტრანსპორტის მძღოლები დილის 6 მარტს გაიფიცნენ. ისინი მგზავრობის ღირებულების 0.10 ლარით გაზრდას ან ყოველდღიური გეგმის 10 ლარით შემცირებას ითხოვდნენ.

ქუთაისში სატრანსპორტო მუშაობა გუშინ საღამოს აღდგა.

ანა მებურიშვილი