რეგიონები

ქედაში საცხოვრებელ სახლში გაჩენილმა ხანძარმა 4-სულიანი ოჯახი ღია ცის ქვეშ დატოვა

ქედაში, სოფელ ხარაულაში გაჩენილმა ხანძარმა საცხოვრებელი სახლი გაანადგურა, რის შედეგად ხარაძეების 4-სულიანი ოჯახი ღია ცის ქვეშ დარჩა. ინციდენტის დროს სახლში ოჯახის ერთი წევრი იმყოფებოდა, მან ნივთების გადარჩენა ვერ შეძლო.

ამ დროისთვის, ხანძრის გამომწვევი მიზეზი უცნობია.

ადგილზე სახანძროსა და სამაშველოს ორი ბრიგადა მუშაობდა.

ქედის მუნიციპალიტეტის მერის მოადგილის, როლანდ ბერიძის თქმით, დაზარალებულთა მდგომარეობას კომისია შეისწავლის და მათ ქირით გაიყვანენ, რის შემდეგაც 10 000 ლარი გადაეცემათ.

ფაქტზე შსს-მ გამოძიება 188-ე მუხლით დაიწყო, რაც გაუფრთხილებლობით ნივთის დაზიანებას ან განადგურებას გულისხმობს.